Alzheimer xəstəliyi diaqnozu olan ailə üzvünün bu barədə məlumatlandırılması

 

Hamımıza məlumdur ki, Alzheimer xəstəliyi çox ciddi bir xəstəlikdir və həm xəstəyə, həm də onların yaxınlarına çoxlu mənfi psixi təsirlər göstərir. Amma əgər ailədə kimsə bu xəstəliyə tutulubsa və bu barədə həmin ailə üzvünə məlumat vermək uyğundur ya yox bu hələ də mənim üçün bir sualdır.Həm Alzheimer xəstələrinə qulluğ və həm də klinik şəraitdə çalışdıqdan sonra Alzheimer xəstəsi olan bir çox insan görmüşəm. Kliniki təcrübədən deyərdim ki, həkimlər arasında Alzheimer diaqnozu barədə xəstələrinə məlumat verməmək meyli var. Bu barədə əsas  səbəb olaraq belə düşünülür ki, xəstələrə diaqnozu barədə məlumat vermək müəyyən xəstələr üçün çox travmatik və ya çox çaşdırıcı ola bilər.

Ancaq biz öz məlumatlarımız barədə hüquqları olan bir dünyada yaşayırıq, ona görə də bir şey haqqında məlumatlı olmaq fikrini yekunlaşdırmaq bir az fərqlidir. Fikrimcə, bir az daha ətraflı nəzərdən keçirsək, ailə  üzvümüz olan bir insana Alzheimer və ya demensiyanın digər formaları diaqnozu qoyulduğunu bildirməyin həm müsbət, həm də mənfi cəhətlərin olduğunu görə bilərik. Bundan əlavə, yaxın insanlar və yaxınlarının qohumları bu vəziyyəti necə idarə etmək barədə bir dilemma içində ola bilərlər. Aşağıda bu barədə- yəni kiməsə Alzheimer xəstəliyi olduğunu söyləməyin həm yaxşı, həm də pis tərəflərini izah edəcəyəm.

Ailənizdə Alzheimer olan birinə diaqnozu barədə məlumat verməyinizin mənfi tərəfləri

• Xəstəliklərini bilmək onlarda ümidsizlik hissi yarada bilər.

• Onlara diaqnozları haqqında danışmaq, emosional stressə və həssaslığa səbəb ola bilər.

• Diaqnozu barədə məlumatsız olmaq, insanın ailəyə yük kimi hiss etməsinə mane ola bilər.

• “Niyə deməliyəm?” "Onsuz da bizim üçün heç bir fərqi olmaya bilər" deyə  düşünə bilərsiniz.

 

Ailənizdə Alzheimer olan birinə diaqnozu barədə məlumat verməyinizin müsbət tərəfləri

• Birincisi, onları məlumatlandırmaq düzgün işdir. Çünki diaqnoz nə olursa olsun, onların bilmək hüququ var.

• İkincisi, Alzheimer olan ailə üzvünüz xəstəlik dönəmində özünə qapana bilər, özü haqqında nəyinsə yalnış olduğundan şübhələnə bilər və bu hiss onlara daha çox mənfi təsir göstərəcəkdir. Buna görə də öz diaqnozu haqqında bilmək bu insanlara rahatlıq hissi gətirə bilər.

Nəhayət, onların diaqnozu haqqında bilmək həm də irəlidəki işləri asanlaşdıracaq.Məsələn əgər xəstə öz diaqnozu barədə məlumatlı olsa yaxınlarına da bu dönəmi rahat keçirmək üçün kömək edə bilər.Artıq hər kəs xəstəlik barədə məlumatlı olduğuna görə,bütün ailə bərabər olaraq Alzheimer xəstəsi olan şəxsin həyat tərzini yaxşılaşdırmaq üçün birlikdə ortaq düşünməyə başlayacaq.